Эрхэм хүндэт иргэд ээ, Та бүхэндээ Төв Цэнгэлдэх Хүрээлэнгийн хамт олны нэрийн өмнөөс халуун мэнд дэвшүүлж буйдаа гүнээ баяртай байна.

Төв Цэнгэлдэх Хүрээлэн бол Монгол түмний бахархал, эв нэгдлийн бэлгэ тэмдэг болсон газар билээ. Бид олон арван жилийн туршид үндэсний хэмжээний спортын уралдаан тэмцээн, урлаг соёлын арга хэмжээг амжилттай зохион байгуулж, нийт ард түмний сэтгэлийн илэрхийлэл болсон орон зайг бүтээсээр ирсэн.

Өнөөдөр бид шинэ цаг үеийн шаардлагад нийцүүлэн үйл ажиллагаагаа улам сайжруулж, илүү нээлттэй, хүртээмжтэй, иргэдэд ээлтэй орчныг бүрдүүлэхийг зорин ажиллаж байна. Бидний эрхэм зорилго бол эрүүл, чийрэг, ухаалаг иргэнийг төлөвшүүлэхэд хувь нэмрээ оруулан, хүчирхэг, бүтээлч нийгмийг хамтдаа цогцлоох явдал юм.

Төв Цэнгэлдэх Хүрээлэн нь зөвхөн наадам, тоглолтын үеэр нээгддэг хаалттай орон зай биш бөгөөд өдөр тутамдаа иргэдэд нээлттэй, хамтдаа хөгжих, баяр баясал, урам зориг авах боломжийг бүрдүүлдэг нийтийн цогцолбор байх болно. Бид спортоор хичээллэх, соёлын арга хэмжээнд оролцох, гэр бүл, найз нөхөдтэйгөө тав тухтай цагийг өнгөрүүлэх нөхцөлийг бүрдүүлэхийг эрхэм зорилгоо болгож байна.

Энэ бүгдийг бид зөвхөн та бүхний итгэл, дэмжлэг, хамтын оролцоотойгоор хэрэгжүүлж чадна. Бид харилцан ойлголцол, хамтын ажиллагаа, инновацид тулгуурлан илүү чанартай, хүртээмжтэй үйлчилгээ үзүүлэхийг эрмэлзэж байна.

Монголын спорт, соёл, урлагийн хөгжилд үнэт хувь нэмрээ оруулахын төлөө сэтгэл, хүчээ нэгтгэн ажиллаж буй хамт олныхоо өмнөөс Эрхэм үйлчлүүлэгч та бүхэндээ,
Хамтран ажилладаг байгууллага, түншүүддээ
Чин сэтгэлийн талархал илэрхийлье.

Төв Цэнгэлдэх Хүрээлэн - Үндэсний эв нэгдлийн төв цэг
Та бүхэндээ үргэлж нээлттэй, эрхэмсэг орон зай байх болно.