Төв цэнгэлдэх хүрээлэнгийн төв хаалганы зогсоолын хажуу талын автозам дээр тээврийн хэрэгсэл буруугаар байршуулснаас үүдэн замын хөдөлгөөнд саад учрах, автомашины түгжрэл үүсэх нөхцөл байдал бүрдээд байсан юм.

Иймд тус хүрээлэнгийн удирдлагууд шуурхай зохион байгуулалт хийж, зорчих хэсгийг бүрэн чөлөөлөх ажлыг амжилттай хэрэгжүүллээ. Уг арга хэмжээ нь орчны хөдөлгөөний аюулгүй байдлыг хангах, иргэдийн ая тухтай зорчих нөхцөлийг бүрдүүлэх зорилготой юм.

Зохицуулалтын хүрээнд:

• Автомашин түр буюу удаан хугацаагаар байршуулж байсан хэсгийг цэгцэлж,
• Замын хөдөлгөөний хэвийн нөхцөлийг сэргээж,
• Иргэдийн зорчих хэсгийн аюулгүй байдалд анхаарч ажиллалаа.

Төв цэнгэлдэх хүрээлэн нь олон нийтийн аюулгүй байдал, наадмын үеийн хөдөлгөөний хэвийн зохион байгуулалтад онцгой ач холбогдол өгч ажиллаж байгаа бөгөөд иргэд, жолооч нартаа хандан дараах зөвлөмжийг хүргэж байна:

• Тээврийн хэрэгслээ зөвшөөрөгдсөн байршилд зогсоох
• Явган зорчигчийн гарц болон автозамын зорчих хэсгийг чөлөөтэй байлгах
• Хөдөлгөөнд соёлтой, хариуцлагатай оролцох

Төв цэнгэлдэх хүрээлэнгийн ойр орчмыг илүү цэгцтэй, ая тухтай, аюулгүй орчин болгоход иргэн таны хичээл зүтгэл чухал юм.