Мэдээ мэдээлэл
Төв цэнгэлдэх хүрээлэн дэх Дархан аварга Ж.Мөнхбатын хүрэл хөшөөг угааж цэвэрлэн, өнгө төрхийг нь сэргээлээ
Төв цэнгэлдэх хүрээлэнд сүндэрлэн буй Дархан аварга Жигжидийн Мөнхбат агсны сүр жавхлант хүрэл хөшөө нь Монгол түмний бахархал, үндэсний спортыг дэлхийд таниулсан их хүний мөнх дурсгал билээ. Тус хөшөөг 2025 оны 6 дугаар сарын 3-ны өдөр Төв цэнгэлдэх хүрээлэнд байршуулсан бөгөөд үүнээс хойш иргэд, олон нийт хүрэлцэн ирж дурсгалын зураг авахуулах, чөлөөт цагаа өнгөрүүлэх шинэ орчин бүрдээд байна. Өнөөдөр тус хөшөөг угаан цэвэрлэж, өнгө төрхийг нь сэргээж, илүү өнгөлөг болгов. Энэхүү хөшөөг урлан бүтээсэн Монголын нэрт уран барималч, зураач Ж.Түмэнчулуун өөрөө хүрэлцэн ирж, сэтгэл шингээн хөшөөгөө арчилж, гараараа цэвэрлэсэн явдал байв. Энэ нь уран бүтээлч хүний бүтээлдээ хандах чин сэтгэл, гүн хүндлэл, бахархлыг илтгэсэн тод жишээ боллоо.
Төв цэнгэлдэх хүрээлэнд “Өвлийн идэш-2025” өргөтгөсөн худалдаа зохион байгуулагдаж байна
Төв цэнгэлдэх хүрээлэнд “Өвлийн идэш-2025” өргөтгөсөн худалдаа зохион байгуулагдаж байна
Сонгон шалгаруулалтын зар
Төв цэнгэлдэх хүрээлэнд 2026 онд олон нийтийн арга хэмжээ, соёл, урлаг, спортын үйл ажиллагаа зохион байгуулах иргэн, аж ахуйн нэгжийг сонгон шалгаруулах зарыг хүргэж байна.
Төв цэнгэлдэх хүрээлэнд Нийслэлийн Ерөнхий Боловсролын 1 дүгээр сургуулийн спорт өдөрлөг зохион байгуулагдаж байна
Нийслэлийн Ерөнхий боловсролын 1 дүгээр сургууль сурагчдынхаа чөлөөт цагийг зөв боловсон өнгөрүүлэх, биеийн тамир, спортыг дэмжих, хамтын ажиллагаа, нөхөрлөлийг бэхжүүлэх зорилгоор уламжлал болгон зохион байгуулдаг “Намрын спорт өдөрлөг”-өө Төв цэнгэлдэх хүрээлэнд өргөн хүрээтэйгээр зохион байгуулж байна.Өдөрлөгт сургуулийн бүх анги, бүлгүүд оролцож, багш сурагчид спортын олон төрлийн тэмцээн уралдаанд хүч сорин өрсөлдөж байна. Мөн энэхүү арга хэмжээ нь зөвхөн спортын уралдаан төдийгүй, сурагчдын авьяас чадвар, манлайлах ур чадварыг хөгжүүлэх, хамт олонч үзлийг төлөвшүүлэх, эцэг эхчүүдийн оролцоог нэмэгдүүлэх ач холбогдолтой болж байна. Спортын өдөрлөгийн нээлтийн үеэр сургуулийн удирдлагууд үг хэлж, сурагчдад амжилт хүсэн, эрүүл мэнддээ анхаарч, спортод дурлахыг уриаллаа.
“Намрын ногоон өдрүүд-2025” өргөтгөсөн худалдаа Төв цэнгэлдэх хүрээлэнд энэ сарын 28-ны өдөр хүртэл үргэлжилнэ
“Намрын ногоон өдрүүд-2025” өргөтгөсөн худалдаа Төв цэнгэлдэх хүрээлэнд энэ сарын 28-ны өдөр хүртэл 10:00-19:00 цагийн хооронд үргэлжилнэ. Өдгөө 20 дахь жилдээ уламжлал болгон зохион байгуулж буй энэхүү арга хэмжээ нь нийслэлийн хүн амын хүнсний тогтвортой хангамжийг бэхжүүлэх, дотоодын шилдэг бүтээгдэхүүнийг хэрэглэгчдэд хүргэх, үйлдвэрлэгчдийн борлуулалт, зах зээлийн хүртээмжийг нэмэгдүүлэх, шинэ технологи, органик үйлдвэрлэлийг дэмжих, тариаланчдын шинэ ургацын бүтээгдэхүүнийг хэрэглэгчдэд шууд хүргэх зорилготой юм.